AHMETI: DHA JETËN, NUK DHA SHOKËT!
Teatri Shqiptar në Shkup, ishte stacioni i radhës për të shënuar 30-vjetorin e rënies së dëshmorit Halil Latifi.
Pas tryezës shkencore në Komunë e Sarajit, homazheve para bustit në Shkollën e Gërçecit dhe shpalosjes së pllakës së rrugës në hyrje të Gërçecit, u mbajt Akademia përkujtimore.
Familjarë, miq, shokë e bashkëluftëtarë të Halil Latifit morën pjesë në këtë Akademi.
“Të japësh jetën e të mos japësh shokët kjo është krenaria, ky është betimi I madhë që gjeneratat kanë bërë për liri a vdekje, Halili ishte I organizuar, Halili ishte I fortë, idealist e i qëndrueshëm në tortuara dha jetën e nuk dha shokët” – tha Ali Ahmeti
Kreu i Komunës së Sarajit, Blerim Bexheti, tha se përvjetoret e dëshmorit Halil Latifi do mbetet në kalendarin e datave historike të komunës së Sarajit.
“Kjo ditë është e evidentuar dhe e votuar edhe nga këshilltarët komunal në kalendarin e datave historike që përkujtohen nga Komuna e Sarajt, ku sot patëm nderin ta shpalosim edhe emrin e rrugës Halil Latifi nga rruga numër 1“ – tha Blerim Bexheti.
Familjarët e dëshmorit ndanë mirënjohje për pjesëmarrësit në këtë Akademi Përkujtimore. Mirënjohje nga Komuna e Sarajit iu ndanë edhe për familjarët e dëshmorit Halil Latifi.