Anëtar i Kryesisë së ASH-krahu i Selës, Adnan Neziri ka kritikuar qeverinë e re, pasi sipas tij, në Samitin e NATO-s në SHBA, në delegacionin e Maqedonisë së Veriut, nuk ka asnjë shqiptar.
“Për herë të parë që nga anëtarësimi në NATO asnjë shqiptar në delegacionin e RMV-së. Nuk ka pasur vend as për zëvendëskryeministrin xhentëllmen e as për ministrin për euro-integrime. Kryeministri Hristijan Mickoski, bashkë me Ministrin e Punëve të Jashtme dhe Tregtisë Timço Mutsunski, atë të Mbrojtjes Vlado Misajlovski dhe i Punëve të Brendshme, Pançe Toshkovski sot janë nisur për në Amerikë, do të marrin pjesë në Samitin e NATO-s në Uashington, që mbahet në 75 vjetorin e themelimit të Aleancës. Atje priten nga Ambasadori i RMV në NATO, Dane Talevski dhe Ambasadori i RMV në Uashington, Zoran Popov. Dikur shqiptarët ishin vendimtarë për anëtarësim të vendit në NATO, sot as si spektatorë. Zullumi ndaj shqiptarëve s’ndalet!”, shkruan Neziri.