Kryetarja e Qytetit të Shkupit, Danella Arsovska, së bashku me disa të punësuar në qytet dhe një këshilltar nga Këshilli i Qytetit të Shkupit, sot janë sulmuar fizikisht gjatë një inspektimi të një ndërtese pa leje në rrugën “Kumbara” në Komunën e Çairit.
“Para syve të policëve më godiste me shqelma dhe më kërcënohej se do të më përdhunojë, ndërsa tërë familjen do të ma vrasë”, tha kryetarja e Shkupit, Danella Arsovska, pasi doli nga Spitali i Përgjithshëm i Qytetit “8 Shtatori”, ku sot u pranua në Qendrën Urgjente, pasi pasditen e sotme u sulmua fizikisht në Bit Pazar gjatë inspektimit të një ndërtese pa leje përballë stacionit policor në Çair.
Pas ngjarjes, kryetari i partisë “E Majta” (Levica), Dimitar Apasiev, iu drejtua drejtpërdrejt kryeministrit Hristijan Mickoski.
“A JE TI NORMAL, MORE NJERI?! DERI KUR DO T’U SHËRBESH HORRAVE TË ‘VREDI’, DERI SA TË NDODHË NJË FATKEQËSI?!”, shkroi Apasiev.