Seanca e Kuvendit të Kosovës për zgjedhjen e presidentit, që ishte thirrur për orën 23:00, ka dështuar në mungesë të kuorumit, pasi partitë opozitare nuk morën pjesë.
Në minutat e fundit të këtij afati, kryeministri i Kosovës, Albin Kurti ka hedhur akuza të rënda ndaj opozitës.
Kështu, pas përfundimit të afatit kushtetues vendi shkon në zgjedhje të jashtëzakonshme parlamentare, pasi Kuvendi i Kosovës shpërndahet automatikisht sipas aktgjykimit të Gjykatës Kushtetuese.
Kjo nënkupton që zgjedhjet e reja duhet të mbahen brenda afatit prej 45 ditësh.