Njëri nga liderët e VLEN-it, Izet Mexhiti sot ka njoftuar se nuk e përjashton mundësinë që ai të kandidojë për pozitën e kryetarit të komunës së Çairit.
“Si VLEN këto ditë presim rezultate nga anketat nga agjencitë profesionale dhe ato do të na japin orientim se kush ku do të jetë, por nuk e përjashtoj edhe atë si mundësi”, deklaroi sonte Mexhiti në një intervistë dhënë për “Kanal5”.
Mexhiti tha se nëse BDI me të vërtetë del me Osmanin si kandidat se edhe ata “do të përgjigjen me artileri të ngjashme”.
“Nëse BDI shkon me nënkryetar dhe me anëtarë të cilët ishin kandidat për presiden të shtetit, ministër i Jashtëm edhe ne do të përgjigjemi me ‘artileri’ të ngjashme”, deklaroi Mexhiti.