Donald Trump ka rritur tensionet në Gjirin Persik me një deklaratë në rrjetin e tij Truth Social, ku konfirmoi se i ka dhënë një urdhër të drejtpërdrejtë marinës amerikane: “Qëllo dhe vrit” çdo mjet lundrues që përpiqet të vendosë mina në Ngushtica e Hormuzit. Ai pretendon se minapastruesit amerikanë tashmë “po pastrojnë ngushticën në këtë moment”.
Edhe pse Irani nuk ka konfirmuar zyrtarisht vendosjen e minave, frika nga një bllokadë e zgjatur e kësaj rruge jetike energjetike – përmes së cilës kalon rreth një e pesta e naftës dhe gazit në botë – ka shtyrë ekonominë globale drejt një krize të re.
“Në Iran po zhvillohet një përplasje për lidershipin! Ata thjesht nuk e dinë kush është në krye! Konfliktet brenda vendit mes ‘linjës së ashpër’, që ka pësuar humbje të mëdha në terren, dhe ‘moderuarve’, që nuk janë aq të moderuar (por po fitojnë terren!), janë jashtë kontrollit! Ne kemi kontroll të plotë mbi Ngushtica e Hormuzit. Asnjë anije nuk mund të hyjë apo dalë pa lejen e marinës amerikane. Ngushtica është ‘plotësisht e mbyllur’ derisa Irani të jetë gati për një marrëveshje!!! Faleminderit për vëmendjen”, deklaroi ai.(INA)