Në Samitin Global treditor të Kryetarëve të Komunave 2023, është nder i veçantë që Qyteti i Shkupit pret më shumë se 200 mysafirë dhe mbi 100 kryetarë komunash dhe nënkryetarë komunash në kuadër të ngjarjes vjetore të Parlamentit Global të Kryetarëve të Komunave dhe përfshirja aktive e kryetarëve të bashkive në promovimin e demokracisë, të të drejtave të njeriut dhe krijimit të kushteve më të mira të jetesës për bashkëqytetarët tanë është respekti më i lartë.
Në kuadër të samitit ndërkombëtar u organizuan panel diskutime dhe takime dypalëshe ku kryetarët e komunave dhe organizatat ndërkombëtare patën mundësinë të mësojnë nga njëri-tjetri, të shkëmbejnë mendime, përvoja dhe praktika të mira. Krahas diskutimeve në panel, u organizuan edhe ngjarje shoqëruese në të cilat u vu theksi te fuqia e kulturës dhe artit, planifikimi urban gjithëpërfshirës dhe i qëndrueshëm dhe gratë e fuqishme në menaxhimin e qyteteve. Kultura luan një rol të rëndësishëm në zhvillimin e të gjitha qyteteve dhe në samit u fokusua në bashkëpunimin dhe diskutimet ndërkombëtare, duke pasur parasysh faktin se Shkupi është shpallur Kryeqytet i Kulturës Evropiane për vitin 2028.
Një numër i madh kryetarësh nga SHBA-ja, Afrika, Lindja e Largët, Evropa, nënkryetarë komunash, ekspertë ndërkombëtarë, përfaqësues nga organizatat ndërkombëtare, patën mundësinë të diskutojnë për fuqinë e qyteteve të angazhuara dhe humane, si të sigurohet demokracia dhe zhvillimi për brezat e ardhshëm. Në të njëjtën kohë, përmes mbajtjes së një numri të madh seminaresh dhe takimesh dypalëshe, samiti ishte gjithashtu një mundësi e shkëlqyer për shkëmbimin e praktikave të mira dhe përvojave pozitive, nga të cilat lindin zgjidhje dhe masa konkrete, të orientuara drejt veprimeve të përbashkëta për t’u përballur me sukses me sfidat urbane.
Parlamenti Global i Kryetarëve të Bashkive nëpërmjet përfshirjes së tij në Kombet e Bashkuara, Kongresin e Autoriteteve Lokale të Këshillit të Evropës dhe institucione të shumta ndërqeveritare, promovon dhe zbaton propozimet e kryetarëve të bashkive, merr përvoja nga aktivitetet e realizuara me sukses nga kryetarët e bashkive në mbarë botën dhe ndërton politika duke pasur parasysh se qytetet me kontributin e tyre mbi 85% në BPV kanë një rol kyç në nivel global, dhe është krenari për Maqedoninë që Shkupi është mikpritës i tyre këtë vit.